वीरगंज सिटी मार्केटद्वारा आकस्मिक रक्तदान कार्यक्रम सम्पन्न, ५१ जनाले गरे रक्तदान
वीरगंज । ‘कसैलाई पनि रगतको अभावमा मृत्युवरण गर्न नपरोस्’ भन्ने उद्देश्यका साथ वीरगंज सिटी मार्केट वीरगंजकाे आयोजनामा शनिवार आकस्मिक रक्तदान कार्यक्रम सम्पन्न गरिएको छ ।
वीरगंजकाे घण्टाघरस्थित रोयल पार्टी प्यालेसमा कार्यक्रमकाे उद्घाटन जिल्ला प्रहरी कार्यालयका प्रमुख, प्रहरी उपरीक्षक (एसपी) गौतम मिश्रले गरेका थिए । साे कार्यक्रममा एक महिलासहित ५१ जनाले रक्तदान गरेकाे कार्यक्रम संयाेजक बिक्की सर्राफले जानकारी दिए ।
कार्यक्रममा बलिराम राउत, रन्जित गुप्ता, जुमन आलम, राज गुप्ता, अभय पटेल, राजन कुमार राैनियार, अभय कुमार साह, राजाबाबु पटेल, जाेतिश पटेल, राेहित पटेल, साहिल हुसेन, कुन्दन प्रसाद, बृजेश यादव, साहिल पटेल, सुरज पटेल, पिन्टु राैनियार, आन्नद कुमार राैनियार, ओम यादव, सुरज पटेल, नितेश कलवार, सुनिल ठाकुर, चन्दन कुमार राैनियार लगायतले रक्तदान गरेका हुन् ।
पछिल्लो समय वीरगंज रक्तसञ्चार केन्द्रमा देखिएको रगतको अभाव र नेपाल रेडकरेस सोसाइटी पर्साले रक्तदान कार्यक्रमहरू सञ्चालन गर्ने आह्वानलाई मध्यनजर गर्दै कार्यक्रम आयोजना गरिएको कार्यक्रमका संयोजक सर्राफले वताए ।
रक्त संचार केन्द्र वीरगंजकाे प्राविधिक सहयाेगमा भएकाे कार्यक्रममा नेपाल रेडक्रस साेसाइटी पर्साका सभापति बृजकिशाेर पटेल, ब्लड डाेनर्स एसाेसियसन नेपाल, पर्साका सचीव अरबिन्द सिंह, वीरगंज सिटी मार्केटका संचालक पिन्टु राैनियार, राजन श्रीवास्तव, संताेष पटेल लगायतकाे उपस्थिती रहेकाे थियाे ।
