काठमाडौं । महिला तथा ज्येष्ठ नागरिक मन्त्री सिता बादीको पनि सम्पत्ति विवरण सार्वजनिक भएको छ ।
आज प्रधानमन्त्री तथा मन्त्रिपरिषद्को कार्यालयले प्रधानमन्त्री र मन्त्रीहरूको सम्पत्ति विवरण सार्वजनिक गरेको हो । जसअनुसार बादीको १८ तोला सुन रहेको छ ।
यस्तै, चाँदी १५ तोला र ५० हजार नगद रहेको विवरणमा उल्लेख गरिएको छ । उनले एनआईसी एसिया र प्रभु बैंकमा १५ लाख नगद मौज्दात रहेको विवरण बुझाएकी छन् ।
आफ्नो र श्रीमानको नाममा स्कुटर र मोटरसाइकल एक–एक थान रहेको विवरण पनि उनले बुझाएकी छन् । २० वटा कुखुरा र एउटा कुकुर रहेको विवरण पनि उनको सम्पत्ति विवरणमा उल्लेख छ ।
