काठमाडौं । बंगलादेशमा आम चुनावको मतदान सकिएको छ । २९९ सिटका लागि आज मतदान भएको हो । बिहान ७ः३० बजेबाट देशभर मतदान सुरु भएको थियो ।
बंगलादेशको निर्वाचन आयोगका अनुसार ३६ हजार मतदान केन्द्रहरूमा ४७.९१ प्रतिशत मतदान भएको छ ।
पूर्वप्रधानमन्त्री शेख हसिनाले देश छोडेको लगभग डेढ वर्षपछि पहिलोपटक आम चुनाव भएको हो ।
यसैबीच, देशभर मतगणना सुरु भएको छ । राति ८ बजेबाट निर्वाचनको नतिजा सार्वजनिक हुन सुरु हुने बंगलादेशी सञ्चारमाध्यमहरुले जनाएका छन् ।
