पर्सा । नेपाली सेनाको श्रीजङ्ग गण, बिरगंजद्वारा पर्सागढीमा आयोजित निःशुल्क स्वास्थ्य शिविरमा करिब ५ सय जनाले स्वास्थ्य सेवा लिएका छन्।
शिविरमा नारायणी अस्पताल, पोखरिया प्रादेशिक अस्पताल, प्रभु अस्पताल बीरगंज र बीरगंज सामुदायिक आँखा केन्द्र का चिकित्सक तथा स्वास्थ्यकर्मीको सक्रिय सहभागिता थियो।
शिविरमा सामान्य स्वास्थ्य जाँच, आँखाको उपचार, दन्त सेवा, महिला स्वास्थ्य, रक्तचाप–सुगर परिक्षणलगायत सेवा प्रदान गरिएको थियो।
आँखा परीक्षण मात्र १ सय ५० बढीले गराएको वीरगंज सामुदायिक आँखा केन्द्रका मेडिकल संयोजक । महेश सिंह धामीले बताए । अन्य सामान्य स्वास्थ्य सेवा २ सय भन्दा धेरै ले उपयोग गरेका छन्।
स्थानीयवासीहरूले शिविरलाई उपयोगी रहेको उल्लेख गर्दै स्वास्थ्य सेवामा सहज पहुँच मिळेको प्रतिक्रिया दिएका छन्।
शिविर सफल बनाउन सहयोग गर्ने सबै अस्पताल, स्वयंसेवक र सहभागीप्रति आयोजकले धन्यवाद व्यक्त गरेको छ।
शिविरमा भौतिक तथा प्राविधिक सहयोग पुर्याएका सबै अस्पताल तथा स्वास्थ्य संस्थाहरूले आगामी दिनमा पनि समुदायमै गएर सेवा दिन निरन्तरता दिने प्रतिबद्धता व्यक्त गरेका छन्।
