भारतको आन्ध्र प्रदेशको श्रीकाकुलम जिल्लाको काशीबुग्गामा रहेको वेंकटेश्वर स्वामी मन्दिरमा शनिबार भएको भागदौडमा सात भक्तजनको मृत्यु भएको छ ।
भागदौडमा कैयौं घाइते भएका छन् । घाइतेहरूलाई नजिकैका अस्पतालहरूमा भर्ना गरिएको पिटीआईले उल्लेख गरेको छ । मृतकको संख्या बढ्न सक्ने बताइएको छ । एकादशीको अवसरमा भेला भएको ठूलो भीडका कारण भागदौड भएको अनुमान गरिएको छ।
रिपोर्टका अनुसार, शनिबार एकादशीको लागि वेंकटेश्वर स्वामी मन्दिरमा ठूलो भीड जम्मा भएको थियो । मन्दिर परिसरको प्रवेशद्वार नजिकै अचानक भीडको चाप बढेको र त्रास र भागदौड मच्चिएको बताइएको छ। घटना लगत्तै स्थानीय प्रशासन र प्रहरी घटनास्थलमा पुगेर राहत तथा उद्धार कार्य सुरु गरेका थिए ।
आन्ध्र प्रदेशका मुख्यमन्त्री एन. चन्द्रबाबु नायडूले घटनाप्रति दुःख व्यक्त गरेका छन् ।
