रौतहट । रौतहटमा शनिबार चट्याङ लागेर दुई जना किशोरको मृत्यु भएको छ ।
मृत्यु हुनेमा कटहरिया नगरपालिका-२, थियाही गाउँका १६ वर्षीय सेराज लहेरी र १७ वर्षीय नवीन यादव रहेका छन् । अविरल वर्षाका बीच सडकमा हिँडिरहेका बेला चट्याङको चपेटामा पर्दा उनीहरूको ज्यान गएको हो ।
जिल्ला प्रहरी कार्यालय रौतहटका अनुसार शनिबार बिहानैदेखि परेको अविरल वर्षाको समयमा सडकमा हिँडिरहेको अवस्थामा उनीहरूलाई चट्याङ लागेको थियो ।
चट्याङ लागेर गम्भीर घाइते भएका दुवैको घटनास्थलमै मृत्यु भएको प्रहरीले जनाएको छ।
मृतक दुवै जनाको शव पोस्टमार्टमका लागि प्रादेशिक अस्पताल गौरमा राखिएको छ ।
