पूर्वगृहमन्त्री धर्मबहादुर थापाको निधन भएको छ । पारिवारिक स्रोतका अनुसार उनको शुक्रबार ललितपुरमा निधन भएको हो ।
उनको अन्त्येष्टि आइतबार पशुपति आर्यघाटमा गरिएको जनाइएको छ ।
उनले लोकेन्द्रबहादुर चन्द नेतृत्वको मन्त्रिपरिषद्मा गृहमन्त्रीको जिम्मेवारी सम्हालेका थिए ।
प्रशासनिक सेवामा रहँदा उनले विभिन्न अञ्चलमा अञ्चलाधीशका रूपमा सेवा गरेका थिए । त्यसपछि उनी गृह सचिव पनि भएका थिए । दिवङ्गत थापाका दुई छोरा छन् ।
