काठमाडौं । नेपाली कांग्रेसका सभापति एवम सर्लाही क्षेत्र नम्बर ४ का उम्मेदवार गगन थापाले अबको पाँच वर्षभित्र नेपाललाई डिजिटल प्रविधिमा लैजाने प्रतिबद्धता व्यक्त गरेका छन् ।
सोमबार सामाजिक सञ्जालमार्फत एक भिडियो सार्वजनिक गर्दै सभापति थापाले अबको ५ वर्ष भित्रमा चार खर्ब आइटी तथा डिजिटल प्रविधिको निर्यात गर्न सकिने कुरा सम्भव रहेको समेत बताएका हुन् ।
‘अबको ५ वर्ष भित्रमा चार खर्ब आईटी तथा डिजिटल प्रविधिको निर्यात गर्न सकिने कुरा सम्भव रहेको छ । नेपालमै २ लाखभन्दा बढीलाई प्रत्यक्ष्य रोजगार दिन सकिने सकिन्छ,’ उनले भनेका छन् ।
उनले नेपालमै दुई लाखभन्दा बढीलाई प्रत्यक्ष रोजगार दिन सकिने बताए । कम्तिमा तीनदेखि पाँचवटा आईटी कम्पनी धितोपत्र बजारमा सूचीकृत हुनसक्ने अवस्था पाँच वर्षभित्र अहिलेको हाम्रो आधार भएकाले प्रयोग गर्यो भने सुधार हुने उनले बताए ।
