काठमाडौं । काठमाडौं महानगरपालिकाका मेयर बालेन्द्र शाह (बालेन)ले राजीनामा दिने अन्तिम तयारी गरेका छन् । उनीनिकट स्रोतका अनुसार, सम्भवतः आज राति वा भोलिसम्ममा बालेनले मेयर पदबाट राजीनामा दिन लागेका हुन् ।
फागुन २१ गतेको निर्वाचनको उमेदवारी दर्ताका लागि बालेनले माघ ६ गतेअघि नै राजीनामा दिनुपर्नेछ । बालेन राजीनामा दिएपछि राष्ट्रिय स्वतन्त्र पार्टी रास्वपा (रास्वपा)को केन्द्रीय कार्यालयमा पुग्ने कार्यक्रम छ । त्यसपछि माघ ५ गते जनकपुरमा हुने रास्वपाको पहिलो चुनावी घोषणासभामा सभापति रवि लामिछाने र बालेन एउटै मञ्चमा देखिनेछन् ।
बालेनले झापा ५ बाट उमेदवारी दर्ता गर्ने तयारी गरेका छन् । यसका लागि उनका सहायक स्वकीय सचिव नवीन भण्डारीको टोली सम्पर्क कार्यालय व्यवस्थापनमा जुटेको छ ।
बालेनले राजीनामा दिएपछि काठमाडौं महानगरपालिकाको कार्यवाहक प्रमुखको जिम्मेवारी उपमेयर सुनिता डंगोलले सम्हाल्नेछिन् ।
