नेकपाका सांसद रमेश मल्लले रास्वपा सांसद जगदीश खरेलले तमाासा भन्ने शब्द प्रयोग गरेको भन्दै आपत्ति जनाएपछि खरेलले जवाफ दिएका छन् ।
सांसद मल्लले खरेलले बोलेको तमासा शब्द असंसदीय भएको भन्दै रेकर्डबाट हटाउन माग गरेका थिए । मल्लपछि बोल्दै खरेलले तमासा शब्द असंसदीय नभएको बताए ।
उनले भने, ‘नेपाली शब्दकोश हेर्ने हो भने तमासाको अर्थ हुन्छ( हल्लाखल्ला वा अनावश्यक कोलाहल । यो शब्द कहीँ कतैबाट पनि संसदीय मर्यादा विपरीत रहँदैन । सम्बन्धित भाषाविद् र नेपाली शब्दकोशलाई ध्यान राखियोस्, यो तमासा भन्ने शब्द अशिष्ट होइन ।’
मंगलबारकै पहिलो चरणको संसद बैठकमा खरेलले विपक्षीलाई तमासा नदेखाउन आग्रह गरेका थिए ।
सांसद खरेलको धारणापछि विपक्षी दलका सांसद थप आक्रोशित भएपछि सभामुख डोलप्रसाद अर्यालले छलफल बीचैमा रोकेर बैठक स्थगित गरेका थिए ।
