काठमाडौं । अमेरिकी राष्ट्रपति डोनाल्ड ट्रम्पले इरानलाई कतारमाथि फेरि आक्रमण गरिए सहन नसकिने चेतावनी दिएका छन् । उनका अनुसार इरानले कतारमाथि फेरि आक्रमण गरे अमेरिकाले ठूलो सैन्य कारबाही गर्नेछ ।
कतारको सबैभन्दा ठूलो ग्यास प्लान्ट रास लाफानमा इरानले गरेको क्षेप्यास्त्र आक्रमणपछि त्यहाँको स्थिति बिग्रिएको छ । प्लान्टमा आगलागी र ठूलो क्षति भएको छ ।
इजरायलले इरानको पार्स ग्यास प्लान्टमा आक्रमण गरेपछि इरानले कतारको प्लान्टमा आक्रमण गरेको हो । साथै, ट्रम्पले इजरायली आक्रमणको बारेमा अमेरिकालाई पहिले कुनै जानकारी नभएको र कतार यसमा संलग्न नभएको बताए ।
ट्रम्पले इरानले गल्तीले कतारलाई निशाना बनाएको पनि उल्लेख गरेका छन् ।
