अनुमती बिना बिशेषज्ञको उपाधी प्रयोग गरेर उपचार गर्दै आएकी डा.चेतना पौडेल पक्राउ
काठमाडौं । आफूलाई नेपालको पहिलो नेचुरोपेथिक (प्राकृतिक चिकित्सा ( विशेषज्ञ दाबी गर्दै सामाजिक सञ्जालमा स्वास्थ्य परामर्श दिँदै आएकी चेतना पौडेल पक्राउ परेकी छिन् । उनलाई नेपाल प्रहरीको केन्द्रीय अनुसन्धान ब्युरो (सीआईबी) ले मंगलबार चन्द्रागिरि ८ बाट पक्राउ गरेको हो ।
चिकित्सकको उपाधि नलिई सो उपाधि प्रयोग गरेको र नेपाल मेडिकल काउन्सिलमा दर्ता नै नभई अवैध रूपमा बिरामीको उपचारमा संलग्न भएको आरोप उनीमाथि लगाइएको छ ।
चन्द्रागिरि नगरपालिका .८ स्थित ‘स्पार्क इन्टरनेसनल हेल्थ रिसोर्ट’ सञ्चालन गर्दै आएकी पौडेलले अनुमति बिना नै बिरामीलाई आधुनिक चिकित्सा पद्धति ९एलोपेथिक० बाट उपचार गर्ने र औषधि सिफारिस गर्ने गरेको अनुसन्धानबाट खुलेको प्रहरीको भनाइ छ ।
नेपाल मेडिकल काउन्सिल, बाँसबारीले गरेको नियमित अनुगमनका क्रममा उनले अवैध रूपमा बिरामी जाँच गर्ने र औषधि पुर्जी )प्रेस्क्रिप्सन) लेख्ने गरेको प्रमाण फेला परेको थियो ।
त्यसपछि काउन्सिलले कारबाहीका लागि सीआईबीमा उजुरी दिएको थियो । पौडेलमाथि मुलुकी अपराध संहिता, २०७४ को ‘इलाज सम्बन्धी कसुर’ अन्तर्गत थप अनुसन्धान भइरहेको ब्युरोले जनाएको छ ।
