श्रम संस्कृति पार्टीका अध्यक्ष एवम् प्रतिनिधिसभा सांसद हर्क साम्पाङले नीति तथा कार्यक्रमका बारेमा जवाफ दिने दिन प्रधानमन्त्री संसदमा नआए आफ्नो पार्टी बाहिरिने बताएका छन् ।
आजको संसद बैठकमा बोल्दै उनले सरकारको नीति तथा कार्यक्रममाथि छलफल हुँदा प्रधानमन्त्री नआएकोप्रति आपत्ति जनाउँदै जवाफ दिने दिनमा भने अनिवार्य आउनु पर्ने बताएका हुन् ।
उनले भने, ‘उहाँले छलफलमा सुन्नुभएन, तर उत्तर दिने बेलामा उहाँ आउनुहुनेछ भन्ने विश्वास लिएको छ। यदि उहाँ आउनुभएन भने हाम्रो पार्टी बाहिरिनेछ। हामीले अरूबाट सुन्नुपर्ने स्थिति होइन।’
