वीरगन्ज,१ चैत । पर्सा प्रहरीले ठुलो परिमाणमा प्रतिबन्धित लागु औषध ट्रामाडोल ट्याब्लेट सहित दुई जनालाई नियन्त्रणमा लिएको छ ।
जिल्ला प्रहरी कार्यालय पर्साको टोलीले बिरगंजको गण्डक चौकबाट ५२ हजार ३ सय प्रतिबन्धित लागु औषध ट्रमाडोल आइपी ५० एमजी ट्याब्लेट सहित २ जनालाई नियन्त्रणमामा लिएको हो।
जिल्ला प्रहरी कार्यालय पर्साको मातहतमा रहेको प्रहरी चौकी गण्डकबाट खटिएको प्रहरी टोलीले वीरगन्जबाट काठमाडौ तर्फ जाँदै गरेको ना १ ज २७६५ नम्बरको टाटा सुमो गाडीलाई रोकी चेकजाँच गर्दा गाडीको छतमा त्रिपालले ढाकी झोला र बोरा भित्र लुकाई छिपाई राखिएको अवस्थामा प्रहरीले फेला पारी २ जनालाई सवारीसाधन सहित नियन्त्रणमा लिएको पर्सा प्रहरी प्रमुख एसपी सुदिप राज पाठकले आज पत्रकार सम्मेलन मार्फत जानकारी गराएका छन्।
उक्त लागुऔषध ट्यावलेट सहित पक्राउ पर्नेमा जिल्ला बारा परवानीपुर गाऊपालिका वडा नम्बर १ रहरिया डिह बस्ने बर्ष ४२ को राम अशिष राउत अहिर र पर्साको बहुदरमाई नगरपालिका वडा नम्बर २ सिसियाडी बस्ने बर्ष ३० को सुवास सर्राफलाई प्रतिबन्धित ट्रामाडोल ट्याब्लेट सहित नियन्त्रणमा लिएको पर्सा प्रहरी प्रमुख प्रहरी उपरीक्षक सुदिप राज पाठकले बताएकाछन् ।
जिल्ला प्रहरी कार्यालय पर्साले नियन्त्रणमा लिएको ५२ हजार ३ सय प्रतिबन्धित ट्रमाडोल आइपी ५० एमजी ट्याब्लेट सहित पक्राउ परेका २ जनालाई लागूऔषध सम्बन्धि कसूरमा सम्मानित पर्सा जिल्ला अदालबाट सात दिनको म्याद थप अनुमति लिई अनुसन्धान भईरहेको एसपी पाठकले बताउनुभयो।
सो कार्यमा सँलग्न रहेका अन्य व्यक्तिहरुको पनि वारेमा थप अनुसन्धान भइरहेको एसपी सुदिप राज पाठकले जानकारी दिएका छन् ।
