मधेश प्रदेशका मुख्यमन्त्री कृष्णप्रसाद यादवले दोस्रो पटक विश्वासको मत प्राप्त गरेका छन् ।
जनमत पार्टी प्रदेश सरकारबाट बाहिरिएपछि मुख्यमन्त्री यादवले आज विश्वासको मत लिनका लागि प्रदेश सभाको बेठक आह्वान गर्न आग्रह गरेका थिए ।
बैठकमा मुख्यमन्त्री यादवले विश्वासको मत मागेकोमा कुल उपस्थित १०० जना सांसदमध्ये मुख्यमन्त्री यादवको पक्षमा ६२ जम्मा मत परेको थियो भने विपक्षमा ३६ जम्मा मत परेको थियो । उक्त संख्या प्रदेश सभामा रहेको सांसदहरुको दुई तिहाईभन्दा बढी रहेकाले मुख्यमन्त्री यादवले प्रदेश सभाको विश्वासको मत प्राप्त गरेका हुन् ।
मुख्यमन्त्री यादवको पक्षमा नेपाली कांग्रेस, नेपाली कम्युनिष्ट पार्टी, नेकपा (एमाले), नेपाली संघीय समाजवादी पार्टीले मत दिएको थियो भने विपक्षमा जनमत पार्टी, जसपा नेपाल र राप्रपाले मत दिएको थियो ।
प्रदेश सभाको अर्को बठैक अर्को सूचना नभएसम्मका लागि स्थगित भएको छ ।
